Бүгін, 2026 жылғы 21 мамырда ЕАЭО ішкі нарығында тауар айналымының заңдылығын арттыруға бағытталған 2022 жылғы 19 сәуірдегі Еуразиялық экономикалық одақта тасымалдауды қадағалау үшін навигациялық пломбаларды қолдану туралы келісімді іс жүзінде іске асырудың басталғанына 100 күн болды.
Қазақстан Республикасында тасымалдарды қадағалау "Транзит" ақпараттық жүйесі арқылы жүзеге асырылады, оның жұмысын "Ғарыштық техника және технологиялар институты" ЖШС (бұдан әрі - Қазақстан Республикасының Ұлттық операторы) қамтамасыз етеді.
Жүйе іске қосылған сәттен бастап Қазақстан Республикасының Ұлттық операторы 3 500-ден астам отандық және шетелдік тасымалдаушы компанияларға 15 000-нан астам қызмет көрсетті, күн сайын Ұлттық оператордың қызметкерлері Қазақстан Республикасының бүкіл аумағы бойынша 40-тан астам өткізу пункттері мен УСҚ-да әртүрлі бағыттарда жүздеген тасымалдарды өңдейді, бұл жүйенің жұмыс істеуінің алғашқы 100 күнінің негізгі нәтижелері болып табылады.
Қазіргі уақытта жүйені дамыту және жетілдіру, қызмет көрсету аймақтарын кеңейту және мониторингтің екінші кезеңіне дайындық бойынша дәйекті жұмыстар жүргізілуде. Тасымалдау процесіне қатысушылардың кері байланысын ескере отырып, пайдаланушылардың жұмыс істеу ыңғайлылығын арттыруға және өзара іс-қимыл процестерін оңтайландыруға ерекше назар аударылады. Сондай-ақ , Еуразиялық экономикалық одаққа мүше басқа мемлекеттердің мемлекеттік органдары мен операторларының ақпараттық жүйелерімен интеграцияны дамыту жалғасуда.
Жұмыстың алғашқы 100 күні жүйенің сұранысқа ие екенін растады және тасымалдауды басқарудың цифрлық құралдарын дамытудағы маңызды кезең болды.